Fruchtbaim

Wiestock, Olive, Granatäpfel, Dattelpalme, Nussbaum, Äpfelbaum, Mulbeerbaum, Fiege un Mandelbaum präge vu alters her d Kulturlandschaft in Palästina. Sie wachse in de unterschiedliche Klimazone un Lebensraim, wu des Land Palästina biètet: s Bergland und d Wüèsti, d fruchtbar Küsteebeni und de Jordangraben.
Scho im Schöpfungsbericht wird verzellt, dass Gott dFrücht vu de Baim im Mensch geh het. Voll hängendi Fruchtbaim stehn für e paradiesische Zuèstand. Sie ware so koschtbar, dass es verbote war, sie umzhaue. E Obschtgarte war eine wichtigi Lebensgrundlag.

Wu dIsraelite in Ägypte glebt hen un zuè Sklavearbet zwunge wore sin, hettene Gott versproche, er dei sie in e guèts Land führe wu „siebe Arte“ von fruchtbare Pflanze wachse:
Wiestöcke, Fiegenbaim, Granatäpfel, Olivenbaim, Dattelpalmen, Weizen und Gerschte. Fünf devu sin Fruchtbaim.

D Mensche in biblischer Zit ware guèt demit bschäftigt, dLebensgrundlage zsichere. DPfleg vu de Fuchtbaim het dodebi e großi Roll gspielt. Alli Teil vu de Fruchtbaim het mr bruche könne: die Frücht selber het mer gesse un zur Nochzucht gnutzt, sHolz, dRinde un d Blätter hen als Baumaterial, als Ausgangsmaterial für handwerkliche Arbete, als Färbestoff un als Brennstoff diènt.
Frücht sin als Nahrungsmittel lebensnotwendig gsi, sie hen e Heilwirkung ha könne un sin zuè Symbole wore. Symbol für Fruchtbarkeit, Grechtigkeit, Schönheit un Lièbi, für de Schalom, e guèts Lebe in Frieden. So stoht ein blühende, grünende Baum für dVerheißung uf e vu Gott gesegnets Leben, e verdorrte Baum dägege isch e Symbol für e Mensch, wu sich vu Gott abgwendet het.

In de nächschde Audidateie verzelle mer ihne ebbis zu ne bar bsundere Fruchtbaim in unserem Bibelgarte.